Connect with us
Advertisement
Advertisement

Cymraeg

YDDS yn dathlu llwyddiant yng Ngwobrau BAFTA Cymru eleni

Published

on

Osi Rhys Osmond: Film fer yn ennill BAFTA Cymru

Osi Rhys Osmond: Film fer yn ennill BAFTA Cymru

MAE PRIFYSGOL Cymru Y Drindod Dewi Sant yn dathlu heddiw ar ôl i ddau enwebiad y bu’r Brifysgol yn gysylltiedig â nhw ennill eu categorïau priodol yn Seremoni Wobrwyo BAFTA Cymru neithiwr yng Nghaerdydd.

Ffilm fer yn dilyn yr artist Cymreig diweddar Osi Rhys Osmond, a gafodd ei chefnogi gan y Brifysgol a Chanolfan Gofal Maggies, enillodd y categori Ffilm Fer orau, tra gwnaeth cyfres yn dilyn cynhyrchiad o Les Miserables, eto gyda chefnogaeth Y Drindod Dewi Sant, ennill y categori’r Rhaglen Adloniant orau.

Fe noddodd y Brifysgol hefyd y categori Effeithiau Arbennig a Gweledol, Teitlau a Hunaniaeth Graffeg Arbennig a enillwyd gan dîm cynhyrchu Doctor Who.

Fe wnaeth Cyfarwyddwr Creadigol Brightest Films, Clare Sturges, ennill ei hail wobr BAFTA Cymru o’i gyrfa gyda’r ffilm fer ddogfennol, My Brief Eternity: Ar Awyr Le.

Mae’r rhaglen ddogfen yn dilyn yr artist a chyn-ddarlithydd Y Drindod Dewi Sant, Osi Rhys Osmond, wrth iddo greu ei ddarn olaf o waith ar gyfer Canolfan Maggies De Ddwyrain Cymru yn ystod ei gyfnodau olaf o’i ganser datblygedig.

Yn anffodus, bu farw Osi yn fuan wedi i’r ffilmio gorffen ym Mawrth 2015.

“Mae’n wych i ennill fy ail wobr BAFTA Cymru – y tro hwn ar gyfer rhaglen ddogfen fer sy’n cynnwys cymaint o rinweddau ysbrydoledig,” meddai Clare.

“Rwy’n gobeithio y bydd y ffilm yn parhau i gyrraedd cymaint o bobl ag y bo modd, gan gynnwys pawb sy’n dod i Ganolfan Maggies yng Nghymru ac ar draws y DU. Roedd Osi yn ddyn o fewnwelediadau mawr: rwy’n falch iawn o fod wedi cael y cyfle i ddogfennu rhan fechan o’r hyn oedd ganddo i’w rhannu.”

Dywedodd Sarah Hughes, Pennaeth Canolfan Maggies yn ne-orllewin Cymru, “Rydym wrth ein bodd bod My Brief Eternity wedi ennill gwobr BAFTA Cymru. Mae’r ffilm hon yn brosiect dilys a phwerus i godi ymwybyddiaeth o ganser ac o Maggies ar draws Cymru, gan herio rhagdybiaethau pobl ac ysbrydoli’r rhai sy’n byw gyda chanser.”

Dywedodd Dr Ian Walsh, Deon Cyfadran Celf a Dylunio yn Y Drindod Dewi Sant: “Roedd Osi Rhys Osmond yn arlunydd angerddol ac yn Gymro balch. Cafodd ei garu a’i barchu gan ei gydweithwyr a’i fyfyrwyr yng Ngholeg Celf Abertawe. Mae ei etifeddiaeth yn amlwg i’w weld ym mywydau a gwaith cymaint o artistiaid ifanc yng Nghymru a thu hwnt. Mae’n briodol bod y ffilm ddynol a phersonol hon, sy’n cyfleu hanfod y dyn, wedi derbyn anrhydedd o’r fath. Mae’r Brifysgol yn falch o fod wedi medru cefnogi’r cynhyrchiad ac ry’n ni wrth ein bodd gyda’r canlyniad.”

Parhaodd llwyddiant y Brifysgol yn y categori Rhaglen Adloniant gyda Les Misérables, Y Daith i’r Llwyfan – cyfres a gynhyrchwyd gan Rondo Media yn dilyn Cwmni Theatr yr Urdd yn llwyfannu’r sioe gerdd – yn ennill y wobr.

Roedd Les Misérables – Y Daith i’r Llwyfan yn cynnig cipolwg tu ôl i’r llenni o’r cynhyrchiad Cymraeg a oedd yn cynnwys cast o 130 o bobl ifanc o bob cwr o Gymru.

Fe wnaeth Y Drindod Dewi Sant, mewn cydweithrediad â Chanolfan Mileniwm Cymru, Urdd Gobaith Cymru ac Ysgol Glanaethwy gyflwyno’r cynhyrchiad cyfrwng Cymraeg yng Nghaerdydd fis Hydref diwethaf i ddathlu deng-mlwyddiant agoriad swyddogol Canolfan Mileniwm Cymru a Gwersyll yr Urdd Caerdydd.

Roedd y cynhyrchiad yn llwyddiant ysgubol, fel yr oedd y bartneriaeth rhwng Y Drindod Dewi Sant a Chanolfan Mileniwm Cymru – cydweithrediad sydd eisoes wedi derbyn cydnabyddiaeth drwy ennill Gwobr Celfyddydau a Busnes Cymru 2016 ar gyfer y Celfyddydau, Busnes a Hunaniaeth Brand.

“Rydym yn ymfalchïo yn llwyddiant Rondo Media yn y category Adloniant Orau yng Ngwobrau BAFTA Cymru neithiwr gyda’r gyfres Les Misérables – Y Daith i’r Llwyfan,” meddai Gwilym Dyfri Jones, Pro Is Ganghellor Cysylltiol Y Drindod Dewi Sant.

“Rydym yn falch iawn o fod yn gysylltiedig â chynhyrchiad gwych a roddodd cyfleoedd i gymaint o bobl ifanc o bob cwr o Gymru i gymryd rhan ac i berfformio yng Nghanolfan Mileniwm Cymru. Roedd yn fraint cael bod yn rhan o’r prosiect.”

Mae gan Y Drindod Dewi Sant enw da am gynnig amrywiaeth o gyrsiau yn y diwydiannau creadigol – o gelf a dylunio i theatr a pherfformio. Mae nifer ac ystod y cyrsiau a gynigir gan y Brifysgol hefyd yn mynd i dyfu ac esblygu dros y blynyddoedd nesaf i gyd-fynd â datblygiad Canolfan S4C Yr Egin a fydd yn cael ei sefydlu ar gampws Caerfyrddin.

Canolfan S4C Yr Egin yn ddatblygiad a fydd yn gartref i glwstwr o gwmnïau a sefydliadau o’r diwydiannau creadigol a digidol yn ogystal â bod yn gartref newydd o brif bencadlys S4C. Bydd y ganolfan yn agor yn gynnar yn 2018.

Continue Reading
Click to comment

Leave a Reply

Your email address will not be published. Required fields are marked *

Cymraeg

Mae y byd yn dod i Langollen

Published

on

“Y byd yn uno mewn dathliad lliwgar a llawen”: Yn Eisteddfod Ryngwladol Llangollen

BOB BLWYDDYN mae’r byd yn dod i Langollen, tref fechan yng ngogledd-ddwyrain Cymru, gan drawsnewid y dref gysglyd gyda môr o liw, can a dawns ar gyfer Eisteddfod Ryngwladol Gerddorol Llangollen. Os na fedrwch fod yno, bydd S4C yn dod â bwrlwm yr ŵyl i’ch ystafell fyw gyda darlledu byw o’r pafiliwn a rhaglenni uchafbwyntiau gyda’r nos.

Mae’r cyflwynwyr Nia Roberts a Trystan Ellis-Morris yno i’n tywys trwy’r hwyl mewn rhaglenni uchafbwyntiau nosweithiol gyda chymorth arbenigwyr i drafod a dadansoddi’r cystadlaethau corawl, dawns, unigol ac offerynnol. Un o arbenigwyr eleni fydd y soprano Elin Manahan Thomas, un o berfformwyr Gala yr Eisteddfod y llynedd a wnaeth hefyd berfformio yn ystod priodas Dug a Duges Sussex, Tywysog Harry a Meghan Markle fis Mai eleni.

Fel rhan o’r uchafbwyntiau nosweithiol bydd eitemau arbennig wedi eu ffilmio o flaen llaw yn dilyn cystadleuwyr o Gymru, Iwerddon ac Indonesia i ddangos pwysigrwydd yr Eisteddfod Ryngwladol i bobl o ddiwylliannau amrywiol o amgylch y byd.

Y cyflwynydd Morgan Jones fydd yn cyflwyno gyda Elin Llwyd yn fyw o’r maes ar brynhawn dydd Sadwrn gan roi blas o’r cyffro o amgylch y maes ac yn y dref. “Dwi wedi cael cyfle i fynd allan i gwrdd â grwp ddawns Al Zhir yn Jakarta, Indonesia, un o ddinasoedd fwya’r byd. Cawn ddod i nabod y cystadleuwyr yn yr eitemau a byddwn ni’n dilyn eu hanes wrth iddyn nhw gystadlu yn yr Eisteddfod Ryngwladol,” meddai cyn ychwanegu, “Dwi’n edrych mlaen i groesawu criw Jakarta i Gymru!”

“Bob blwyddyn dwi’n edrych ymlaen at y teimlad o frawdgarwch rhwng cenhedloedd. Dyma yw pam fod gymaint o’r cystadleuwyr yn dod nôl bob blwyddyn oherwydd ei fod yn ŵyl o fri sy’n cael ei pharchu yn rhyngwladol, ac mae pawb yn awyddus i fod yn rhan o’i hanes cyfoethog ac i fod yn rhan o’r hwyl sydd i’w gael ar y maes ac yn y dref,” meddai Morgan.

Bydd yr wythnos yn gorffen gyda crescendo ar nos Sadwrn wrth i enillwyr y corau ieuenctid, cymysg, merched, dynion a’r categorïau agored cystadlu am deitl mawreddog Côr y Byd 2018, tlws Luciano Pavarotti a gwobr ariannol gwerth £3,000.

Ymunwch â ni yn n fechan Llangollen am wledd o gerddoriaeth a dawns wrth i’r Eisteddfod Ryngwladol dod a’r byd yn un am wythnos arbennig.

Continue Reading

Cymraeg

Eglwys Madagascar yn ymweld â Cheredigion

Published

on

Dwy gan mlynedd o bartneriaeth: Pwysigion o Fadagascar gydag aelodau Cyngor Sir Ceredigion

AR DDYDD Iau, 7 Mehefin, cwrddodd nifer o bwysigion o Fadagascar gydag aelodau Cyngor Sir Ceredigion fel rhan o ddathliadau y cafodd eu cynnal yng Ngheredigion i ddathlu deucanmlwyddiant o’r cenhadon cyntaf a deithiodd o ardal Aberaeron i Fadagascar.

Ymwelodd y pwysigion o Fadagascar, gan gynnwys Mr Marc Ravalomanana, cyn-Lywydd Madagascar a Chadeirydd Pwyllgor Dathliadau Deucanmlwyddiant Eglwys Iesu Grist ym Madagascar (FJKM), Ceredigion dros gyfnod o ddiwrnodau. Fe wnaethant fynychu cyngherddau dathlu a gweld arddangosfeydd a oedd yn arddangos coffau o ymdrechion ac etifeddiaeth y cenhadwyr o gapel Neuaddlwyd a sefydlodd eglwys ar ynys Madagascar 200 mlynedd yn ôl – eglwys sy’n llwyddiannus ac yn cael ei fynychu’n dda hyd heddiw.

Dywedodd Cadeirydd y Cyngor, y Cynghorydd Hag Harris, a gyflwynodd Mr Ravalomanana gyda plac o crest y Cyngor, “Roedd yn anrhydedd i groesawu’r ymwelwyr o Fadagascar i Geredigion a chlywed sut wnaeth y cenhadwr hwylio a sefydlu eglwys yno, sy’n dal i fod yn gryf heddiw. Mae cyfleoedd fel hyn yn ein galluogi ni i adlewyrchu a dathlu ar y cysylltiadau sydd gan ein sir ni gyda lleoedd ledled y byd a’r cyfraniadau cadarnhaol y gallwn eu darparu i eraill.”

Continue Reading

Cymraeg

Cyhoeddi ‘geiriadur’ o Enwau Lleoedd Cymru

Published

on

'Un gam o’r ffordd': Dai Lloyd, AC

BYDD RHESTR gynhwysfawr o enwau lleoedd Cymru yn cael ei chyhoeddi gan Gomisiynydd y Gymraeg ar 20 Mehefin, fydd yn cynnig sillafiad safonol ar gyfer enwau pentrefi, trefi a dinasoedd yng Nghymru.

Mae’r rhestr, fydd ar gael ar-lein ar wefan Comisiynydd y Gymraeg, yn cael ei disgrifio fel ‘geiriadur’ i wirio sut i sillafu enwau lleoedd. Mae bron i 3,000 o enwau ar y rhestr, ac mae’n ffrwyth blynyddoedd o waith ymchwil ac ymgynghori yn y maes.

Yn ystod wythnos Eisteddfod yr Urdd eleni bu’r Comisiynydd yn gofyn i ymwelwyr brofi’r rhestr ddigidol ar ei stondin. Erbyn diwedd yr wythnos roedd dros 750 o binnau wedi eu rhoi ar y map yn nodi fod enw tref neu bentref wedi ei wirio ac mae unrhyw enwau oedd yn ymddangos ‘ar goll’ wrthi’n cael eu hychwanegu at y rhestr.

Dywedodd Comisiynydd y Gymraeg, Meri Huws, “Rydym yn hynod o falch ein bod bellach mewn sefyllfa i gyhoeddi rhestr safonol o enwau lleoedd yng Nghymru. Mae’r digwyddiad hwn yn benllanw blynyddoedd o waith ymchwil gan ein tîm bychan o fewn Comisiynydd y Gymraeg mewn ymgynghoriad â phanel o arbenigwyr ar enwau lleoedd. Rydym yn ddiolchgar iawn i’r arbenigwyr hyn am eu cyfraniad anhepgor at y prosiect hwn yn sicrhau bod sail gadarn i bob un o’r argymhellion.

“Mae gan lawer ohonom farn bersonol am sut i ysgrifennu enwau lleoedd yn ein milltir sgwâr ac mae’n bosibl na fydd pawb yn cytuno â phob argymhelliad ar y rhestr. Nid gorfodi yw ein bwriad, ond yn hytrach argymell, a cheisio sicrhau bod cysondeb yn y modd yr ydym yn sillafu enwau lleoedd yng Nghymru mewn cyd-destunau swyddogol.”

Un o’r sefydliadau sydd eisoes wedi cyhoeddi y byddant yn gwneud defnydd o’r rhestr newydd yw’r Arolwg Ordnans.

Yn ôl Pam Whitham, Rheolwr Perthnasau’r Arolwg Ordnans, “Mae gennym bartneriaeth werthfawr â swyddfa Comisiynydd y Gymraeg, ac maen nhw wedi chwarae rôl allweddol wrth i ni ddatblygu ein Polisi Enwi Cymraeg a sicrhau cysondeb o ran enwau lleoedd yng Nghymru yn ein holl gynnyrch. Rydym yn falch iawn o fod yn parhau i weithio â’r Comisiynydd ac yn croesawu’r rhestr hon fel adnodd gwerthfawr i ddiffinio enwau lleoedd yng Nghymru.”

Bydd y rhestr yn cael ei lansio mewn digwyddiad ym Mae Caerdydd, dan nawdd Dr Dai Lloyd AC. Gwnaeth Dr Dai Lloyd ymgais ym Mawrth 2017 i gyflwyno mesur fyddai’n diogelu enwau lleoedd yng Nghymru, ond pleidleisiodd y Cynulliad yn erbyn y cynnig ar y pryd.

Dywedodd Dr Lloyd, “Mae rhoi’r enwau ar gof a chadw ar restr fel hon yn mynd gam o’r ffordd at sicrhau bod y ffurfiau safonol yn cael eu cofnodi a’u parchu. Er mwyn gwirioneddol ddiogelu’r enwau lleoedd, a sicrhau na ddaw enwau eraill i gymryd eu lle’n fympwyol, credaf bod angen statws cyfreithiol i’r rhestr hon, fel sydd wedi digwydd mewn nifer o wledydd eraill.”

Wrth safoni enwau lleoedd, mae’r panel o arbenigwyr wedi bod yn dilyn canllawiau pendant. Maent yn talu sylw i ynganiad a tharddiad yn ogystal â defnydd lleol a defnydd hanesyddol o’r enw.

Mae Dr Dylan Foster Evans o Brifysgol Caerdydd yn aelod o’r panel. Dywedodd, “Mae enwau lleoedd yn rhan o’n treftadaeth a’n hunaniaeth – dyna pam y mae cymaint ohonom â diddordeb byw ynddynt. Dim ond yn yr ugeinfed ganrif y cafodd system sillafu’r Gymraeg ei safoni’n drylwyr. Bu enwau lleoedd yn araf deg yn dilyn y drefn honno: mae sillafiad megis Caernarvon yn edrych yn Seisnig a dieithr inni heddiw, ond dyna’r ffurf sydd ar gadair Eisteddfod Genedlaethol 1935!

“Nid mater du a gwyn yw sillafu enwau lleoedd, ac nid pawb a fydd yn cytuno â phob argymhelliad. Ond mae cytuno ar ffurfiau safonol mewn cronfa fel hon yn rhywbeth hanfodol os yw’r Gymraeg i fod yn iaith fodern ac addas ar gyfer yr oes ddigidol sydd ohoni.”

Bydd y rhestr ar gael i’w chwilio a’i lawrlwytho o dan drwydded agored ar wefan Comisiynydd y Gymraeg: https://bit.ly/2tjAvOG.

Continue Reading

Popular This Week