Connect with us
Advertisement
Advertisement

Cymraeg

Amodau carchar “annynol” yn rhwystr i adsefydlu

Published

on

Annynol: Carchar Abertawe

NID YW trefn garchardai San Steffan yn “addas at y diben”, yn ôl llefarydd Plaid Cymru ar Gyfiawnder, Liz Saville Roberts.

Galwodd AS Plaid Cymru am dymheru “egwyddorion dwrdio a dial” gan “foeseg adsefydlu ac adfer”, wrth i boblogaeth y carchardai saethu i’r entrychion ac i lefelau hunan-niweidio a hunanladdiad ymysg carcharorion fod yn uwch nac erioed o’r blaen. Cymerodd pedwar carcharor eu bywydau eu hunain lai nac wythnos wedi cyrraedd Carchar Abertawe dros y pedair blynedd diwethaf, ac y mae gorlenwi difrifol, toriadau llym mewn cyllidebau a phrinder dybryd staff wedi golygu, mewn rhai achosion, fod carcharorion yn cael eu cloi yn eu celloedd am 23 awr y dydd.

Wrth siarad mewn dadl yn Neuadd Westminster yma ar iechyd meddwl mewn carchardai, dywedodd Liz Saville Roberts fod cadw carcharorion mewn amodau annynol yn rhwystro ymdrechion i adsefydlu, ac yn gwaethygu problemau iechyd meddwl y mae llawer o garcharorion yn dioddef ohonynt.

Mae Undeb y Gwasanaethau Cyhoeddus a Masnachol (PCS) yn cynnig ‘Gweledigaeth Amgen am Garchardai’, gan alw ar i garchardai fod yn “llefydd lle mae diwygio go-iawn yn digwydd a lle mae pobl yn cael eu trin mewn ffordd sydd yn esgor ar barch cyffredinol at ei gilydd a gwir adsefydlu”.

Galwodd Ms Saville Roberts hefyd ar i garcharorion sydd â’r Gymraeg yn iaith gyntaf iddynt allu cael gwasanaethau yn eu mamiaith, gan ddadlau fod gwadu hawliau iaith i garcharorion yn dwysau eu teimlad o ynysu ac unigrwydd. Cred Plaid Cymru y dylai cyfiawnder troseddol gael ei ddatganoli i Gymru, i adlewyrchu’r sefyllfa yn yr Alban, a chaniatáu i Lywodraeth Cymru sicrhau y gall y system cyfiawnder troseddol ateb anghenion unigryw Cymru.

Wrth siarad yn y ddadl, meddai llefarydd Plaid Cymru ar Gyfiawnder, Liz Saville Roberts AS: “All cymdeithas wâr gyda system cyfiawnder troseddol sy’n gweithio ddim goddef y lefelau presennol o hunan-niweidio a hunanladdiad ymysg carcharorion. Mae hyn, a dyblu poblogaeth y carchardai dros y 30 mlynedd diwethaf, yn arwydd bod trefn garchardai San Steffan yn sylfaenol anaddas at y diben.

“Mae angen diwygio ein system o gosbi a charcharu. Rhaid tymheru egwyddorion hen-ffasiwn dwrdio a dial â moeseg adsefydlu ac adfer.

“Mae gorlenwi eithafol, toriadau llym i gyllidebau a phrinder dybryd o staff yn golygu ei bod yn dod yn gynyddol gyffredin i garcharorion gael eu cloi yn eu celloedd am 23 awr y dydd – celloedd, fel y rhai yng Ngharchar Lerpwl, a ddisgrifiwyd gan Brif Arolygydd y Carchardai fel rhai “aflan, brwnt a gwarthus”.

“Mae gwneud i unrhyw un, waeth beth fo’u troseddau, ddioddef amodau annynol yn amlwg yn rhwystro unrhyw ymgais i adsefydlu, a gall ond waethygu’r problemau iechyd meddwl y mae cymaint o garcharorion yn ddioddef.

“Os ydym am wneud carchardai yn wir yn llefydd i ddiwygio, gydag adsefydlu ac adfer yn ganolog iddynt, rhaid i ni greu amgylchedd lle gall y carcharorion deimlo’n gyfforddus, a darparu gofal iechyd meddwl digonol, i hwyluso’r adfer hwnnw.

“Un esiampl pwysig iawn o hyn yw darparu gwasanaethau yn Gymraeg i siaradwyr Cymraeg. Mae llawer o bobl yng Nghymru, yn byw eu bywydau trwy’r Gymraeg. Rhaid i gael eich anfon i garchar, am ba bynnag drosedd, olygu y gall pobl ddal i allu cael gwasanaethau cyhoeddus yn Gymraeg.

“Mae gwadu hawliau o’r fath i droseddwyr yn aml yn gwaethygu’r ymdeimlad o unigrwydd y mae cymaint o garcharorion eisoes yn deimlo.

“Trwy fethu a gweithredu ar y niferoedd enbyd o hunan-niweidio a hunanladdiad mewn carchardai, yr ydym mewn gwirionedd yn cytuno â’r gosb eithaf sy’n digwydd ar hap a heb gyfiawnder.”

Continue Reading
Click to comment

Leave a Reply

Your email address will not be published. Required fields are marked *

Cymraeg

Cymorth a chanllawiau newydd i ddarparwyr llety gwyliau yng Ngheredigion

Published

on

Mae canllawiau a chymorth newydd yn cael eu cyhoeddi yng ngoleuni newidiadau diweddar i’r cyfyngiadau a’r gorchmynion i gau darpariaethau llety gwyliau, gan fanylu ar rai eithriadau penodol.

Mae’r cyfyngiadau sydd wedi dod i rym yn sgil y coronafeirws wedi ei gwneud yn ofynnol i fusnesau sy’n darparu safleoedd a llety gwyliau yng Ngheredigion gau eu safleoedd, neu roi’r gorau i ddarparu eu gwasanaethau yn ystod yr argyfwng hwn, a hynny’n amodol ar rai eithriadau. Mae’r mathau hyn o lety gwyliau yn cynnwys safleoedd gwersylla, gwestai, llety gwely a brecwast, fflatiau gwyliau, hosteli a thai preswyl.

Mae eithriad i’r gofyniad i gau yn cynnwys pan nad oedd unigolyn, a oedd yn aros mewn llety o’r fath pan ddaeth y gofynion i rym, yn gallu dychwelyd i’w brif breswylfa, neu’n defnyddio’r llety dan sylw fel ei brif breswylfa ar y pryd. Dylai busnesau sicrhau bod yr eithriadau’n cael eu rhoi ar waith mewn modd priodol ac, os bydd amheuaeth, dylent ofyn am gyngor gan Dîm Diogelu’r Cyhoedd Cyngor Sir Ceredigion. Nid yw’r eithriad penodol hwn yn berthnasol i safleoedd gwyliau a gwersylla.

Oddi ar 24 Mawrth 2020, mae’n ofynnol i bobl sy’n gyfrifol am safleoedd gwyliau a gwersylla wneud eu gorau glas i fynnu bod unrhyw unigolyn sy’n aros ar eu safle yn gadael. Bydd yr ymdrechion hynny’n cynnwys cymryd camau cadarnhaol i ofyn i bobl adael y safle. Os na fydd y busnes yn teimlo bod yna reswm credadwy a chymhellol, sy’n seiliedig ar dystiolaeth, i bobl barhau ar y safle, yna dylai ofyn iddynt adael, neu ofyn am gyngor gan Dîm Diogelu’r Cyhoedd Cyngor Sir Ceredigion.

Efallai y bydd Cyngor Sir Ceredigion yn gofyn i fusnesau ddarparu llety i weithwyr allweddol, ac i ddibenion penodol eraill. Os gofynnir i fusnes ddarparu llety y tu hwnt i’r eithriadau uchod, yna mae’n rhaid iddo sicrhau ei fod yn cael tystysgrif eithrio gan Gyngor Sir Ceredigion yn manylu ar y diben y gall aros ar agor, ynghyd ag i ba raddau y gall wneud hynny. Gall busnesau wneud cais am dystysgrif eithrio trwy anfon cais dros e-bost at dîm Diogelu’r Cyhoedd: publicprotection@ceredigion.gov.uk, neu trwy gysylltu â Chanolfan Gyswllt Cwsmeriaid Clic Ceredigion ar 01545 570881.

Anogir unrhyw fusnes sy’n darparu llety i weithwyr allweddol ar hyn o bryd, ac nad yw’r Awdurdod wedi gofyn eto iddo aros ar agor i’r diben hwnnw, gysylltu â’r Tîm Diogelu’r Cyhoedd i gael cyngor pellach ar unwaith.

Er eglurder, oni bai bod Gweinidogion Cymru neu Awdurdod Lleol Ceredigion wedi gofyn yn benodol i fusnesau yng Ngheredigion aros ar agor, rhaid iddynt barhau AR GAU. Bydd unigolion a fydd yn gyfrifol am gynnal busnesau (gan gynnwys perchnogion a rheolwyr) yn destun camau gorfodi os na fyddant yn cydymffurfio â’r cyfyngiadau. Mae’r opsiynau posibl yn cynnwys erlyn, a allai arwain at ddirwyon diderfyn wrth gael eu heuogfarnu.

Mae’r gorchmynion cau yn berthnasol i fusnesau sy’n cynnig llety gwyliau yn unig, ac nid ydynt yn effeithio ar gartrefi a llety preifat.

Mae rhagor o wybodaeth ar gael gan Lywodraeth Cymru: https://gov.wales/coronavirus-guidance-local-authorities-and-owners-holiday-accommodation (Tudalen Saesneg yn unig).

Continue Reading

Cymraeg

Council’s budget for 2020/21 approved

Published

on

At the Council meeting on 5 March 2020, Ceredigion County Council’s service budgets for 2020/21 were approved after receiving the final settlement from Welsh Government on 25 February.

This is the best settlement for local government and the Council since 2007/08, with an increase of 4.2%. This is equivalent to an increase of £7.609m in the Council’s budget.

Ellen ap Gwynn, Leader of the Council, said: “We have had to cut £45m from our budget since 2012. Despite these enormous cuts, the Council has been able to deliver all the services it delivered before the cuts were made thanks to a dedicated workforce and some very creative and innovative ways of working. It is a welcome relief that Ceredigion will not be receiving any additional cuts from Welsh Government for 2020/21. I welcome the increase in the settlement which will help us to ensure that we can continue to provide quality services for our residents.”

Also, as part of the budget setting process, a 4% increase in the Council Tax rate was approved. Despite the increased settlement, a 4% Council Tax increase is the minimum increase that would result in a standstill budget and would mean that no further cuts will need to be made this year.

This means that Band D properties in Ceredigion will pay £1,364.82 of Council Tax each year. This is equivalent to an increase of approximately £1 per week.

The proposal was approved after the Cabinet of Ceredigion County Council recommended the increase in order to ensure that there are no further cuts to council services in the next financial year.

Councillor Gareth Lloyd, Cabinet member with responsibility for Finance and Public Protection, said: “Council Tax and business rates only make up about 29% of the council’s budget. We understand that raising council tax is unpopular but this increase in Council Tax will help to alleviate the increasing pressure placed on the budgets of different services.”

A specific formula is applied by Welsh Government to calculate the funding allocated to each Council.

Continue Reading

Cymraeg

Cyngor yn datgan argyfwng hinsawdd byd-eang

Published

on

Mae Cyngor Sir Ceredigion wedi datgan argyfwng hinsawdd byd-eang mewn cyfarfod o’r Cyngor ar 05 Mawrth 2020.

Mae’r Cyngor eisoes wedi ymrwymo i sicrhau bod Ceredigion yn awdurdod lleol carbon net sero erbyn 2030, ac i ddatblygu cynllun clir ar gyfer llwybr a fydd yn arwain at garbon sero net o fewn 12 mis.

Y Cynghorydd Ellen ap Gwynn, Arweinydd y Cyngor, gynigodd y cynnig. Meddai, “Rwy’n falch iawn bod Cyngor Sir Ceredigion wedi datgan argyfwng hinsawdd byd-eang. Rydym yn ymroddgar i ddiogelu’r amgylchedd a gwneud yr hyn a allwn i leihau ein hôl troed carbon. Rydym wedi lleihau ein hallyriadau carbon blynyddol 45% ers 2007. Mae gennym nifer o brosiectau yr ydym yn gweithio tuag atynt ar hyn o bryd i sicrhau ein bod yn lleihau ein hallyriadau carbon ymhellach fyth.”

Eiliodd y Cynghorydd Mark Strong y cynnig a dywedodd, “Mae’r datganiad yma yn cydymffurfio gydag amcanion Deddf Llesiant Cenedlaethau’r Dyfodol Llywodraeth Cymru. Wrth symud ymlaen, yr amcan yw lleihau ein defnydd carbon yn ein cartrefi a sicrhau defnydd gorau o greu egni yn lleol. Mae hyn i wneud yn siwr ein bod yn lleihau ein defnydd carbon yn sylweddol.”

Mae’r penderfyniad hwn yn cefnogi dwy o Flaenoriaethau Corfforaethol y Cyngor, sef Buddsoddi yn Nyfodol y Bobl a Hyrwyddo Cydnerthedd Amgylcheddol a Chymunedol.

Continue Reading

Popular This Week