Connect with us
Advertisement
Advertisement

Cymraeg

Bwrdd CNC yn cymeradwyo is-ddeddfau rheoli dal

Published

on

Yn dirywio'n ddifrifol: Mae poblogaethau eog a brithyll môr mewn afonydd Cymreig

MAE eogiaid a brithyll môr yn rhywogaethau eiconig yng Nghymru, ond mae eu dirywiad mewn llawer o afonydd wedi cyrraedd pwynt difrifol ac mae angen gweithredu ar frys i ddychwelyd stociau i lefel gynaliadwy.

Ac yn ei gyfarfod ym Mangor ddydd Iau 18 Ionawr, cymeradwyodd Bwrdd Cyfoeth Naturiol Cymru (CNC) gynigion i argymell is-ddeddfau newydd.

Pe bai Llywodraeth Cymru yn ei derbyn byddai’r rhain yn cyflwyno mesurau i ryddhau pob eog gaiff ei ddal ym mhob pysgodfa gwialen a rhwyd yng Nghymru yn ogystal â diwygiadau i’r math o abwyd a ddefnyddir a dulliau pysgota.

Byddent hefyd yn cyflwyno yr un mesurau ar gyfer brithyll môr am ran o’r tymor mewn rhai afonydd.

Yn dilyn trafodaeth fanwl gan Fwrdd CNC, cytunwyd hefyd y dylai pecyn ehangach o fesurau eistedd ochr yn ochr ā’r newidiadau hyn i sicrhau y nod ehangach o reolaeth gynaliadwy o adnoddau naturiol.

Mae hyn yn cynnwys blaenoriaethu rhaglen adfer afonydd a chydweithio’n fwy effeithiol gyda physgotwyr i gyflawni’r amcanion hyn er budd pawb.

Mae’r penderfyniad yn dilyn ymgynghoriad cyhoeddus y llynedd a welodd dros 500 o ymatebion gan y gymuned pysgota.

Meddai Diane McCrea, Cadeirydd Cyfoeth Naturiol Cymru: “Cafodd barn o bob ochr y ddadl ei gwyntyllu’n llawn yn ystod y drafodaeth.

“Rydym yn dal i bryderu nad oes gan y mesurau gefnogaeth lawn y gymuned bysgota a deallwn yn llwyr mai dim ond rhan o’r ateb yw hyn i geisio atal dirywiad stociau pysgod.

“Fodd bynnag, yn y pen draw, teimlai’r Bwrdd mai dyma’r opsiwn cywir – mae gennym ddyletswydd i wneud yr hyn y gallwn i gynnal ein stociau a’r llai o bysgod a leddir, yn gorau’n byd ydi’r siawns i’r boblogaeth wella.”

Meddai Peter Gough, Prif Gynghorydd Pysgodfeydd CNC: “Mae poblogaethau eog a brithyll môr mewn afonydd Cymreig yn dirywio’n ddifrifol a rhaid inni wneud popeth a allwn, a cyn gynted ag y gallwn, i’w hachub.

“Fel y disgwyliom, roedd llawer o ddiddordeb yn ein cynigion ac rydym wedi ystyried barn pysgotwyr trwy ddiwygio rhai o’n cynigion gwreiddiol lle bo hynny’n briodol.

“Mae angen inni wneud y newidiadau hyn i’n is-ddeddfau i helpu i wrthdroi’r dirywiad parhaus mewn stociau brithyll eogiaid afonydd Cymru.

“Mae hwn yn gam anodd i’w gymryd ond mae prinder eogiaid a brithyll môr yn golygu bod yn rhaid inni argymell bod Llywodraeth Cymru’n cyflwyno’r is-ddeddfau newydd hyn i helpu cynnal stociau ar gyfer y dyfodol.

“A dim ond un o’r mesurau yr ydym yn eu cymryd yw hwn. Rydym hefyd yn awyddus i newid y ffordd yr ydym yn mynd i’r afael â physgota anghyfreithlon, lleihau llygredd a gwella ansawdd dŵr, a chredwn y bydd hefyd yn cyfrannu at gynorthwyo’r pysgod yma yn afonydd Cymru.”

Byddwn yn awr yn gwneud cais i Lywodraeth Cymru am gadarnhad o’r is-ddeddfau arfaethedig.

Continue Reading
Click to comment

Leave a Reply

Your email address will not be published. Required fields are marked *

Cymraeg

Pleser o’r Mwyaf

Published

on

DEWCH i’r Man a’r Lle yn Aberteifi i wrando ar wyth o fawrion y genedl yn cyflwyno pum peth sydd yn datgelu rhywbeth am eu hanes eu hunain, boed hynny ar ffurf hoff gerddi a darnau o ryddiaith neu wrthrychau sydd ag arwyddocâd personol.

Byddwn yn cwrdd yn fisol (heblaw Rhagfyr) rhwng Hydref a Mehefin i godi arian tuag at Eisteddfod Genedlaethol Ceredigion.

Cynhelir y cyfarfod cyntaf ar ddydd Sadwrn, 19 Hydref am 11yb tan 12.30yp yng nghwmni’r Prifardd Idris Reynolds.

Tocynnau wrth y drws £5. Te, coffi a chacen £1.

Am fwy o wybodaeth cysylltwch â Natalie Morgan (ebost: njm84@outlook.com), Helen Thomas (helenteifi@outlook.com) neu Richard Vale (riv1@aber.ac.uk).

Fe fydd y cyfarfodydd hyn yn addas i ddysgwyr profiadol, a byddwn yn paratoi taflenni geirfa i chi.

Dewch yn llu i gefnogi’r Brifwyl trwy joio mas draw!

Continue Reading

Cymraeg

Gall Cymru gael ei phweru gan ynni morol

Published

on

GALL Cymru fod yn wlad sy’n cael ei phweru gan ynni’r môr, mae Lesley Griffiths yn addo.

Mae gan ynni’r môr y potensial i fod wrth wraidd cynlluniau uchelgeisiol i Gymru fod yn wlad sy’n cael ei phweru gan ffynonellau ynni adnewyddadwy, yn ôl Gweinidog yr Amgylchedd, Ynni a Materion Gwledig, Lesley Griffiths.

Pan oedd hi’n siarad yn y Gynhadledd ar Ynni’r Môr yn Nulyn ar Dydd Llun (30 Medi), gwnaeth y Gweinidog amlinellu’r llwyddiannau mae busnesau wedi’u cael wrth alluogi ynni’r môr yn ystod y flwyddyn diwethaf, a’r buddsoddiadau yn y gadwyn gyflenwi sy’n caniatáu i hyn ddigwydd.

Rydyn ni’n cydnabod bod y sector yn ifanc iawn, felly rydyn ni wedi buddsoddi mewn deg prosiect sy’n gysylltiedig ag ynni’r môr er mwyn adeiladau capasiti ac arbenigedd yng Nghymru, meddai hi.

Cytunwyd ar dros €71 miliwn o gyllid Ewropeaidd, a fydd yn arwain at fuddsoddiadau gwerth dros €117 miliwn yng Nghymru.

Mae’r busnesau sydd wedi elwa’n cynnwys:

• Ledwood Engineering, Mainstay Marine, MarineSpace a busnesau a leolir yn Sir Benfro yng Ngorllewin Cymru. Mae’r busnesau hyn i gyd wedi manteisio ar y buddsoddiadau gwerth miliynau o bunnoedd, sydd wedi bod o fudd i’w harbenigedd technegol presennol o fewn y sector ynni a sector ynni’r môr.

• Mae Minesto wedi cwblhau prosiect i alluogi’r gwaith o gyflwyno eu technoleg ffrwd lanw Deep Green yn fasnachol yn Holyhead Deep, oddi ar arfordir gorllewinol Ynys Môn. Roedd y prosiect yn cynnwys dylunio, gosod a phrofi dyfais 500 cilowat. Mae cam nesaf y prosiect wedi derbyn €14.9 miliwn ychwanegol, a bydd yn ategu’r gwaith o ddylunio safle 80 megawat oddi ar arfordir Ynys Môn, ochr wrth ochr â dylunio dyfais maint llawn o un megawat o leiaf.

• Gwnaeth y datblygwyr ynni’r tonnau Marine Power Systems, a leolir yn Abertawe, gwblhau eu blwyddyn o dreialon a phrofion morol yn llwyddiannus yr haf hwn, ac mae eu prototeip chwarter maint, WaveSub, wedi cyrraedd ei gerrig milltir critigol. Hefyd dyfarnwyd €13 miliwn iddynt i ddylunio a chynhyrchu dyfais fwy.

Bydd Fframwaith Morol cyntaf Cymru a Fframwaith Datblygu Cenedlaethol newydd hefyd yn rhoi polisi cynllunio strategol ar gyfer defnyddio adnoddau naturiol mewn modd cynaliadwy ar y tir ac oddi arno.

Dywedodd Lesley Griffiths, Gweinidog yr Amgylchedd, Ynni a Materion Gwledig: “Rydyn ni’n benderfynol y bydd ynni’r môr yn rhan allweddol o’n cynlluniau i Gymru fod yn wlad sy’n cael ei phweru gan ffynonellau ynni adnewyddadwy. Mae cyllid gan yr Uned Ewropeaidd wedi bod yn hanfodol wrth gefnogi hyn.

“Rydyn ni wedi gosod targedau uchelgeisiol wrth inni geisio creu Cymru wyrddach lle mae adnoddau’n cael eu rheoli nid yn unig ar gyfer heddiw, ond er budd cenedlaethau’r dyfodol.

“Eleni rydyn ni wedi derbyn cyngor Pwyllgor y DU ar y Newid yn yr Hinsawdd i wneud ein targedau datgarboneiddio yng Nghymru yn fwy uchelgeisiol, wedi cyflwyno deddfwriaeth i fabwysiadu targed o 95% ar gyfer lleihau allyriadau nwyon tŷ gwydr y flwyddyn nesaf, ac rydyn ni’n archwilio sut gallwn ni osod targed o sero yn y dyfodol.

“Mae ynni’r môr a gwynt alltraeth yn rhan hanfodol o’r targedau hyn, wrth inni geisio harneisio ein hadnoddau naturiol i sicrhau manteision tymor hir ar gyfer pawb yng Nghymru.”

Gwnaeth y gweinidog hefyd annog Llywodraeth y DU i fuddsoddi mewn ynni’r môr ac ynni adnewyddadwy yng Nghymru.

Continue Reading

Cymraeg

Prifysgol Aberystwyth yn noddi Penwythnos Mawr Pride Cymru

Published

on

Prifysgol Aberystwyth yw un o brif noddwyr Penwythnos Mawr Pride Cymru sy’n cael ei gynnal yng Nghaerdydd ar 23 – 25 Awst 2019.
Dyma’r bedwaredd flwyddyn i’r Brifysgol, a gafodd ei chynnwys ymhlith 100 cyflogwr gorau’r DU am gynhwysoldeb yn y gweithle gan Fynegai Cydraddoldeb yn y Gweithle Stonewall, noddi’r digwyddiad.
Mae presenoldeb y Brifysgol yn Pride Cymru yn rhan o raglen lawn o ddigwyddiadau drwy’r flwyddyn sy’n ymwneud â rhwydwaith LGBTA Enfys Aber.
Mae gwybodaeth bellach i’w chael yn y datganiad newyddion ynghlwm neu cliciwch arlein: https://www.aber.ac.uk/cy/news/archive/2019/08/title-225387-cy.html
Continue Reading

Popular This Week