Connect with us
Advertisement
Advertisement

Cymraeg

Prosiect y Parc Cenedlaethol yn cysylltu twristiaeth â natur

Published

on

Gwirfoddolwyr yn Fferm Tyriet a Brandy Brook: Yn gwella profiadau ymwelwyr

MAE SAITH o fusnesau yn Sir Benfro sy’n ymddiddori mewn bywyd gwyllt wedi gwella profiadau ymwelwyr a bioamrywiaeth ar eu heiddo drwy gynnal prosiectau cadwraeth fel rhan o brosiect peilot Cysylltiadau Naturiol Parc Cenedlaethol Arfordir Penfro.

Fel rhan o’r prosiectau gwnaed arolwg ecolegol o dir pob busnes ac ysgrifennwyd adroddiad ar yr arolwg hwnnw. Roedd yr adroddiad yn argymell ffyrdd o wella’u tir a’u hadeiladau ar gyfer bywyd gwyllt, pethau fel plannu coed a dolydd, gosod blychau pathewod a phlygu gwrychoedd.

Meddai Swyddog Bioamrywiaeth Awdurdod y Parc Cenedlaethol, Sarah Mellor: “Bu’n braf iawn cael gweithio gyda busnesau sy’n awyddus i weithredu i helpu bywyd gwyllt ar garreg eu drws.

“Roedd pob adroddiad hefyd yn cynnwys gwybodaeth am brofiadau a safleoedd bywyd gwyllt gerllaw’r busnes, gan esgor ar becyn gwybodaeth delfrydol y gellid ei rannu’n uniongyrchol â’r ymwelwyr.”

Ymysg y busnesau wnaeth gymryd rhan ar draws y sir yr oedd Hostel Ieuenctid Maenorbŷr, Tyriet Farm (Bluestone Brewery), Gwersyll Brandy Brook, Gwesty Penrhiw, Castell Pictwn, Parc Gwyliau Llwyngwair Manor a May Cottage.

Bu’r gwirfoddolwyr yn Tyriet Farm yn adeiladu gwâl i ddyfrgwn, tra bu gwaith plannu coed a phlygu gwrychoedd yn mynd rhagddo yng ngwersyll Brandy Brook. Aeth Gwesty Penrhiw ati i wella’u dôl wair drwy hau hadau Cribell felen, aeth Castell Pictwn ati i ddathlu eu dôl gyda bwrdd dehongli newydd a chafodd Parc Gwyliau Llwyngwair Manor offer a hyfforddiant i gynnal sesiynau archwilio yn yr afon a’r llyn i ymwelwyr.

Meddai Martin Allen yn Hostel Ieuenctid Maenorbŷr: “O ddarllen yr adroddiad fe wnaethom sylweddoli y gallem hyrwyddo bywyd gwyllt diddorol ar garreg ein drws, yn ogystal â’r eitemau drud, fel teithiau cychod a theithiau i’r ynysoedd.”

Cafodd treial Cysylltiadau Naturiol, a ddaeth i ben yn llwyddiannus fis diwethaf, ei ariannu gan y Gronfa Datblygu Cynaliadwy, sy’n cael ei gweinyddu gan Awdurdod y Parc Cenedlaethol a’i hariannu gan Lywodraeth Cymru.

I gael rhagor o wybodaeth am y gronfa a sut i ymgeisio, ewch i www.pembrokeshire.wales/sdf.

Continue Reading
Click to comment

Leave a Reply

Your email address will not be published. Required fields are marked *

Cymraeg

Pleser o’r Mwyaf

Published

on

DEWCH i’r Man a’r Lle yn Aberteifi i wrando ar wyth o fawrion y genedl yn cyflwyno pum peth sydd yn datgelu rhywbeth am eu hanes eu hunain, boed hynny ar ffurf hoff gerddi a darnau o ryddiaith neu wrthrychau sydd ag arwyddocâd personol.

Byddwn yn cwrdd yn fisol (heblaw Rhagfyr) rhwng Hydref a Mehefin i godi arian tuag at Eisteddfod Genedlaethol Ceredigion.

Cynhelir y cyfarfod cyntaf ar ddydd Sadwrn, 19 Hydref am 11yb tan 12.30yp yng nghwmni’r Prifardd Idris Reynolds.

Tocynnau wrth y drws £5. Te, coffi a chacen £1.

Am fwy o wybodaeth cysylltwch â Natalie Morgan (ebost: njm84@outlook.com), Helen Thomas (helenteifi@outlook.com) neu Richard Vale (riv1@aber.ac.uk).

Fe fydd y cyfarfodydd hyn yn addas i ddysgwyr profiadol, a byddwn yn paratoi taflenni geirfa i chi.

Dewch yn llu i gefnogi’r Brifwyl trwy joio mas draw!

Continue Reading

Cymraeg

Gall Cymru gael ei phweru gan ynni morol

Published

on

GALL Cymru fod yn wlad sy’n cael ei phweru gan ynni’r môr, mae Lesley Griffiths yn addo.

Mae gan ynni’r môr y potensial i fod wrth wraidd cynlluniau uchelgeisiol i Gymru fod yn wlad sy’n cael ei phweru gan ffynonellau ynni adnewyddadwy, yn ôl Gweinidog yr Amgylchedd, Ynni a Materion Gwledig, Lesley Griffiths.

Pan oedd hi’n siarad yn y Gynhadledd ar Ynni’r Môr yn Nulyn ar Dydd Llun (30 Medi), gwnaeth y Gweinidog amlinellu’r llwyddiannau mae busnesau wedi’u cael wrth alluogi ynni’r môr yn ystod y flwyddyn diwethaf, a’r buddsoddiadau yn y gadwyn gyflenwi sy’n caniatáu i hyn ddigwydd.

Rydyn ni’n cydnabod bod y sector yn ifanc iawn, felly rydyn ni wedi buddsoddi mewn deg prosiect sy’n gysylltiedig ag ynni’r môr er mwyn adeiladau capasiti ac arbenigedd yng Nghymru, meddai hi.

Cytunwyd ar dros €71 miliwn o gyllid Ewropeaidd, a fydd yn arwain at fuddsoddiadau gwerth dros €117 miliwn yng Nghymru.

Mae’r busnesau sydd wedi elwa’n cynnwys:

• Ledwood Engineering, Mainstay Marine, MarineSpace a busnesau a leolir yn Sir Benfro yng Ngorllewin Cymru. Mae’r busnesau hyn i gyd wedi manteisio ar y buddsoddiadau gwerth miliynau o bunnoedd, sydd wedi bod o fudd i’w harbenigedd technegol presennol o fewn y sector ynni a sector ynni’r môr.

• Mae Minesto wedi cwblhau prosiect i alluogi’r gwaith o gyflwyno eu technoleg ffrwd lanw Deep Green yn fasnachol yn Holyhead Deep, oddi ar arfordir gorllewinol Ynys Môn. Roedd y prosiect yn cynnwys dylunio, gosod a phrofi dyfais 500 cilowat. Mae cam nesaf y prosiect wedi derbyn €14.9 miliwn ychwanegol, a bydd yn ategu’r gwaith o ddylunio safle 80 megawat oddi ar arfordir Ynys Môn, ochr wrth ochr â dylunio dyfais maint llawn o un megawat o leiaf.

• Gwnaeth y datblygwyr ynni’r tonnau Marine Power Systems, a leolir yn Abertawe, gwblhau eu blwyddyn o dreialon a phrofion morol yn llwyddiannus yr haf hwn, ac mae eu prototeip chwarter maint, WaveSub, wedi cyrraedd ei gerrig milltir critigol. Hefyd dyfarnwyd €13 miliwn iddynt i ddylunio a chynhyrchu dyfais fwy.

Bydd Fframwaith Morol cyntaf Cymru a Fframwaith Datblygu Cenedlaethol newydd hefyd yn rhoi polisi cynllunio strategol ar gyfer defnyddio adnoddau naturiol mewn modd cynaliadwy ar y tir ac oddi arno.

Dywedodd Lesley Griffiths, Gweinidog yr Amgylchedd, Ynni a Materion Gwledig: “Rydyn ni’n benderfynol y bydd ynni’r môr yn rhan allweddol o’n cynlluniau i Gymru fod yn wlad sy’n cael ei phweru gan ffynonellau ynni adnewyddadwy. Mae cyllid gan yr Uned Ewropeaidd wedi bod yn hanfodol wrth gefnogi hyn.

“Rydyn ni wedi gosod targedau uchelgeisiol wrth inni geisio creu Cymru wyrddach lle mae adnoddau’n cael eu rheoli nid yn unig ar gyfer heddiw, ond er budd cenedlaethau’r dyfodol.

“Eleni rydyn ni wedi derbyn cyngor Pwyllgor y DU ar y Newid yn yr Hinsawdd i wneud ein targedau datgarboneiddio yng Nghymru yn fwy uchelgeisiol, wedi cyflwyno deddfwriaeth i fabwysiadu targed o 95% ar gyfer lleihau allyriadau nwyon tŷ gwydr y flwyddyn nesaf, ac rydyn ni’n archwilio sut gallwn ni osod targed o sero yn y dyfodol.

“Mae ynni’r môr a gwynt alltraeth yn rhan hanfodol o’r targedau hyn, wrth inni geisio harneisio ein hadnoddau naturiol i sicrhau manteision tymor hir ar gyfer pawb yng Nghymru.”

Gwnaeth y gweinidog hefyd annog Llywodraeth y DU i fuddsoddi mewn ynni’r môr ac ynni adnewyddadwy yng Nghymru.

Continue Reading

Cymraeg

Prifysgol Aberystwyth yn noddi Penwythnos Mawr Pride Cymru

Published

on

Prifysgol Aberystwyth yw un o brif noddwyr Penwythnos Mawr Pride Cymru sy’n cael ei gynnal yng Nghaerdydd ar 23 – 25 Awst 2019.
Dyma’r bedwaredd flwyddyn i’r Brifysgol, a gafodd ei chynnwys ymhlith 100 cyflogwr gorau’r DU am gynhwysoldeb yn y gweithle gan Fynegai Cydraddoldeb yn y Gweithle Stonewall, noddi’r digwyddiad.
Mae presenoldeb y Brifysgol yn Pride Cymru yn rhan o raglen lawn o ddigwyddiadau drwy’r flwyddyn sy’n ymwneud â rhwydwaith LGBTA Enfys Aber.
Mae gwybodaeth bellach i’w chael yn y datganiad newyddion ynghlwm neu cliciwch arlein: https://www.aber.ac.uk/cy/news/archive/2019/08/title-225387-cy.html
Continue Reading

Popular This Week