Connect with us
Advertisement
Advertisement

Cymraeg

Cynllun Atgyfeirio Ymarfer Corff yn gwneud mwy ar gyfer ymyrraeth iechyd nag erioed o’r blaen

Published

on

Mynychodd 35,069 o gyfranogwyr ddosbarthiadau Cyfeirio Ymarfer Corff yn ystod 2640 awr o ddosbarthiadau iechyd yn 2019 – y nifer uchaf erioed.

Mae’r Cynllun Cyfeirio Ymarfer Corff Cenedlaethol (NERS) yn gynllun ymyrraeth iechyd wedi’i seilio ar dystiolaeth sy’n ymgorffori gweithgaredd corfforol a thechnegau newid ymddygiad i gefnogi cleientiaid a atgyfeiriwyd i wneud newidiadau i’w ffordd o fyw i wella eu hiechyd a’u lles.

Mae NERS Ceredigion wedi gweld cynnydd dramatig yn y galw dros y flwyddyn ddiwethaf. Mae cydlynydd a phedwar gweithiwr ymarfer corff llawn amser yn gweithio i gyflawni’r cynllun, gan ddarparu 73 dosbarth yr wythnos. Mae oedran y cyfranogwyr yn amrywio o 16 oed, gyda’r cyfranogwr hynaf yng Ngheredigion yn 95 oed.

Ymhlith yr opsiynau ymarfer corff ar gael, mae’r Gampfa, Cylchdaith, Sefydlogi’r Osgo, Beiciau Troelli, Aqua Aerobeg, Tai Chi a Pilates. Ymhlith y lleoliadau mae canolfannau cyngor a chymuned yn Aberystwyth, Aberaeron, Llambed, Tregaron, Aberteifi a Llandysul.

Nododd y Cynghorydd Catrin Miles, aelod Cabinet â chyfrifoldeb am Hamdden, buddion y cynllun, “Mae yna lawer o fuddion corfforol, seicolegol a chymdeithasol i fod yn rhan o’r cynllun, gan gynnwys magu hyder, gwell hunan-barch, cwrdd â phobl newydd a bod yn gyffredinol yn fwy ffit ac yn iach. Mae Tîm Ymyrraeth Iechyd cymwys iawn Ceredigion Actif yn darparu cyfleoedd i wneud ymarfer corff sy’n hwyl, yn werth chweil ac y gellir ei ymgorffori ym mywyd bob dydd.”

Mae NERS Ceredigion yn targedu pobl â chyflwr meddygol trwy amrywiol lwybrau gan gynnwys generig, adsefydlu cardiaidd, ysgyfeiniol, cwympiadau, adsefydlu strôc, iechyd meddwl, canser a rheoli pwysau. Cyflwynir y rhaglen ymarfer corff 16 wythnos wedi’i theilwra gan dîm o weithwyr proffesiynol ymarfer corff cymwysedig Lefel 4 sy’n tywys cyfranogwyr a gyfeiriwyd tuag at gyflawni eu nodau unigol.

Dywedodd cyfranogwr yn Aberystwyth, “Dyma oedd y peth gorau i mi ei wneud erioed. Rwyf wedi ffynnu o wneud gwahanol weithgareddau a gwthio fy hun allan o beth rydw i wedi ei arfer gyda sydd nid yn unig wedi helpu fy hunan-barch ond hefyd fy iselder a phopeth arall gan gynnwys fy mhoen. Rwyf hefyd wedi gwneud ffrindiau newydd nad oeddwn hyd yn oed yn ystyried y byddai’n digwydd. Nid yn unig ydym ni’n cymdeithasu ond rydym yn cael hwyl hefyd sy’n fonws”.

Mae hyfforddwyr yn monitro’n barhaus gydag asesiadau dilynol ar ôl 16 wythnos yn ogystal ag ar ôl eu cwblhau yn 52 wythnos. Mae opsiynau ‘cynnal a chadw’ tymor hir ar gael ar ôl 16 wythnos sy’n cynnwys parhad dosbarthiadau ymarfer corff ynghyd â chyfleoedd i ymuno â chlybiau fel cerdded pêl-fasged, cerdded pêl-droed, sesiynau golff a rygbi cerdded.

Yn ystod 2018-2019 cyfeiriwyd 913 at y cynllun. Er mwyn cael mynediad i’r cynllun, mae angen i berson gael ei atgyfeirio gan Weithiwr Iechyd Proffesiynol, fel arfer Meddyg Teulu, Nyrs Ymarfer neu Ffisiotherapydd penodol i gyflwr.

Continue Reading
Click to comment

Leave a Reply

Your email address will not be published. Required fields are marked *

Cymraeg

Council’s budget for 2020/21 approved

Published

on

At the Council meeting on 5 March 2020, Ceredigion County Council’s service budgets for 2020/21 were approved after receiving the final settlement from Welsh Government on 25 February.

This is the best settlement for local government and the Council since 2007/08, with an increase of 4.2%. This is equivalent to an increase of £7.609m in the Council’s budget.

Ellen ap Gwynn, Leader of the Council, said: “We have had to cut £45m from our budget since 2012. Despite these enormous cuts, the Council has been able to deliver all the services it delivered before the cuts were made thanks to a dedicated workforce and some very creative and innovative ways of working. It is a welcome relief that Ceredigion will not be receiving any additional cuts from Welsh Government for 2020/21. I welcome the increase in the settlement which will help us to ensure that we can continue to provide quality services for our residents.”

Also, as part of the budget setting process, a 4% increase in the Council Tax rate was approved. Despite the increased settlement, a 4% Council Tax increase is the minimum increase that would result in a standstill budget and would mean that no further cuts will need to be made this year.

This means that Band D properties in Ceredigion will pay £1,364.82 of Council Tax each year. This is equivalent to an increase of approximately £1 per week.

The proposal was approved after the Cabinet of Ceredigion County Council recommended the increase in order to ensure that there are no further cuts to council services in the next financial year.

Councillor Gareth Lloyd, Cabinet member with responsibility for Finance and Public Protection, said: “Council Tax and business rates only make up about 29% of the council’s budget. We understand that raising council tax is unpopular but this increase in Council Tax will help to alleviate the increasing pressure placed on the budgets of different services.”

A specific formula is applied by Welsh Government to calculate the funding allocated to each Council.

Continue Reading

Cymraeg

Cyngor yn datgan argyfwng hinsawdd byd-eang

Published

on

Mae Cyngor Sir Ceredigion wedi datgan argyfwng hinsawdd byd-eang mewn cyfarfod o’r Cyngor ar 05 Mawrth 2020.

Mae’r Cyngor eisoes wedi ymrwymo i sicrhau bod Ceredigion yn awdurdod lleol carbon net sero erbyn 2030, ac i ddatblygu cynllun clir ar gyfer llwybr a fydd yn arwain at garbon sero net o fewn 12 mis.

Y Cynghorydd Ellen ap Gwynn, Arweinydd y Cyngor, gynigodd y cynnig. Meddai, “Rwy’n falch iawn bod Cyngor Sir Ceredigion wedi datgan argyfwng hinsawdd byd-eang. Rydym yn ymroddgar i ddiogelu’r amgylchedd a gwneud yr hyn a allwn i leihau ein hôl troed carbon. Rydym wedi lleihau ein hallyriadau carbon blynyddol 45% ers 2007. Mae gennym nifer o brosiectau yr ydym yn gweithio tuag atynt ar hyn o bryd i sicrhau ein bod yn lleihau ein hallyriadau carbon ymhellach fyth.”

Eiliodd y Cynghorydd Mark Strong y cynnig a dywedodd, “Mae’r datganiad yma yn cydymffurfio gydag amcanion Deddf Llesiant Cenedlaethau’r Dyfodol Llywodraeth Cymru. Wrth symud ymlaen, yr amcan yw lleihau ein defnydd carbon yn ein cartrefi a sicrhau defnydd gorau o greu egni yn lleol. Mae hyn i wneud yn siwr ein bod yn lleihau ein defnydd carbon yn sylweddol.”

Mae’r penderfyniad hwn yn cefnogi dwy o Flaenoriaethau Corfforaethol y Cyngor, sef Buddsoddi yn Nyfodol y Bobl a Hyrwyddo Cydnerthedd Amgylcheddol a Chymunedol.

Continue Reading

Cymraeg

Pobl ifanc yn cymryd rhan mewn diwrnod cymdeithasol cyfrwng Cymraeg

Published

on

Ar ddydd Sadwrn 15 Chwefror, daeth dros hanner cant o bobl ifanc de Ceredigion at ei gilydd yng Ngwersyll yr Urdd, Llangrannog ar gyfer diwrnod ‘Ti’n Gêm?’. Gêm gymdeithasol trwy gyfrwng y Gymraeg a drefnwyd gan Cered: Menter Iaith Ceredigion gyda chydweithrediad yr Urdd a Tatl Gaming.

Bwriad y diwrnod oedd rhoi cyfle i bobl ifanc ddod at ei gilydd i gymdeithasu a mwynhau amrywiol weithgareddau gan gynnwys gemau cyfrifiadurol a hynny oll trwy gyfrwng y Gymraeg. Trwy gynnal diwrnod o’r math y gobaith yw bod plant yn sylweddoli eu bod yn medru defnyddio’r Gymraeg ym mhob agwedd o fywyd.

Yn ystod y dydd bu cyfle i chwarae gemau cyfrifiadurol Splatoon, FIFA a Minecraft yn ogystal â chymryd rhan mewn twrnamaint Mario Kart 8 cyn profi cyffro saethyddiaeth, y wal ddringo a’r cwrs rhaffau uchel.

Dywedodd Rhodri Francis, Swyddog Datblygu Cered: “Bu’r diwrnod yn llwyddiannus tu hwnt gyda phawb i weld yn mwynhau. Roedd ymateb y plant i’r gweithgareddau yn ffantastig a’r hyn oedd yn allweddol oedd eu bod nhw’n mwynhau trwy gyfrwng y Gymraeg. Y gobaith yw cynnal diwrnodau tebyg yn y dyfodol. Diolch i Tatl Gaming am gydweithio gyda ni a hefyd i’r Urdd am drefnu cyfres o ddigwyddiadau ymarferol i’r plant.”

Mae Cered yn cynnal amrywiaeth o weithgareddau ar draws y Sir fel bod pobl o bob oedran yn cael y cyfle i gymdeithasu trwy gyfrwng y Gymraeg. Am fwy o wybodaeth am weithgareddau yn eich ardal chi cysylltwch â Cered ar 01545 572350 neu cered@ceredigion.gov.uk.

Continue Reading

Popular This Week