Connect with us
Advertisement
Advertisement

Community

Tir wedi’i brynu ar gyfer prosiect £8m Cylch Caron

Published

on

cylchcaronAR DYDD IAU, 24 Mawrth, cyhoeddodd y Gweinidog Iechyd a Gwasanaethau Cymdeithasol, Mark Drakeford bod tir wedi’i brynu ar gyfer Canolfan Adnoddau Integredig Cylch Caron yn Nhregaron. Prynwyd y safle gyda £727,000 o gyllid gan Lywodraeth Cymru. Dadorchuddiwyd arwydd ar y safle gan yr Athro Drakeford, ynghyd â Phrif Weithredwr Bwrdd Iechyd Prifysgol Hywel Dda, Steve Moore ac Arweinydd Cyngor Sir Ceredigion, y Cynghorydd Ellen ap Gwynn i nodi bod y tir wedi’i brynu. Bydd datblygiad Cylch Caron yn dod ag iechyd, tai a gwasanaethau cymdeithasol ynghyd ar un safle gan gymryd lle Ysbyty Cymunedol Tregaron, cartref preswyl Bryntirion a’r feddygfa. Dywedodd yr Athro Drakeford: “Rwy’n falch o allu cyhoeddi’r cam pwysig hwn yn natblygiad canolfan newydd Cylch Caron. Y llynedd, fe wnes i a’r Gweinidog Cymunedau a Threchu Tlodi, Lesley Griffiths, gyhoeddi £5.8m ar gyfer y ganolfan newydd, lle bydd gwasanaethau pwysig ar gael o dan yr un to ac yn agosach at y bobl sydd eu hangen.

“Trwy gydweithio a chanolbwyntio ar ymyrraeth gynnar, bydd y gwasanaethau hyn yn helpu pobl i fyw bywydau egnïol ac annibynnol.” Dywedodd y Cynghorydd Ellen ap Gwynn, Arweinydd Cyngor Sir Ceredigion a chadeirydd y bwrdd gwasanaethau lleol: “Mae’r cyhoeddiad hwn yn garreg filltir allweddol i brosiect Cylch Caron, ac rydyn ni un cam yn agosach at ddarparu gwasanaethau tai, iechyd a chymdeithasol effeithlon a chynaliadwy o ansawdd uchel sy’n gwasanaethu cymuned wledig Tregaron a’r ardaloedd cyfagos. “Bydd y datblygiad yn fwy nag adeilad. Bydd yn hwyluso’r gwaith o ddarparu’r model gofal cymunedol integredig a ddatblygwyd ar gyfer Ceredigion, a bydd gan lawer mwy o gleientiaid fynediad gwell at y gwasanaethau hyn.”

Dywedodd Prif Weithredwr Bwrdd Iechyd Prifysgol Hywel Dda, Steve Moore: “Mae hyn yn newyddion gwych i Dregaron. Rwy’n falch ein bod wedi gallu gweithio gyda chydweithwyr o Lywodraeth Cymru a Chyngor Sir Ceredigion i gyrraedd y pwynt arwyddocaol hwn yn y prosiect. “Bydd y datblygiad yn ffordd o weithio’n integredig i sicrhau gwerth am arian a chaniatáu cyfleoedd newydd i ddarparu’r gwasanaethau sydd eu hangen ar y boblogaeth leol. “Hoffwn dalu teyrnged i’n holl randdeiliaid, gan gynnwys ein staff a chydweithwyr yr awdurdod lleol am eu cyfraniad at gyrraedd y garreg filltir hon yn y prosiect.

Edrychwn ymlaen at barhau i gydweithio â’n partneriaid i gyflawni’r datblygiad.” Mae datblygiad Cylch Caron, dan arweiniad Bwrdd Gwasanaethau Lleol Ceredigion, yn bosibl diolch i gyfanswm buddsoddiad o £8.1m gan Lywodraeth Cymru, Cyngor Sir Ceredigion a Bwrdd Iechyd Prifysgol Hywel Dda i ddarparu gwasanaethau cynaliadwy yn un o rannau mwyaf gwledig Cymru. Bydd y ganolfan yn gartref i amrywiaeth o wasanaethau, gan gynnwys meddygfa, fferyllfa gymunedol, clinigau i gleifion allanol, gwasanaethau nyrsio yn y gymuned, gofal nyrsio hirdymor a gofal dydd.

Mae yna hefyd gynlluniau ar gyfer 34 o fflatiau i bobl sydd angen mwy o ofal a chymorth i aros yn eu cartrefi, a chwe lle iechyd a gofal cymdeithasol integredig i bobl nad oes angen iddyn nhw aros yn yr ysbyty, ond sydd angen mwy o gymorth cyn dychwelyd adref. Mae’r gwaith yn symud ymlaen ar y cynlluniau manwl ar gyfer prosiect Cylch Caron – bydd yr achos busnes llawn yn cael ei gyflwyno i Lywodraeth Cymru ac erbyn yr haf, bydd Landlord Cymdeithasol Cofrestredig wedi’i benodi. Chwaraeodd Elin Jones ran bwysig yn y datblygiadau hyn, fel y dywedodd y Gweinidog yn ei sylwadau.

AC Ceredigion drefnodd y cyfarfod cychwynol rhwng y Gweinidog a grwp o feddygon lleol, a berswadiodd Llywodraeth Cymru o’r angen am ddechrau o’r newydd wrth gynllunio dyfodol Bronglais a’r NHS yng Nghymru wledig. Ers hynny, comisiynwydd Adolygiad Longley, a arweiniodd at sefydlu grwp cydweithredol y canolbarth, a chamau gwirioneddol ymlaen fel agor 12 o welyau ym Mronglais a hysbysebu swyddi newydd arbenigol yn nhriniaeth y galon a meysydd eraill. Meddai Elin Jones: “Mae’n destun balchder i mi y bydd ardal Tregaron yn gartref i’r prosiect gofal iechyd cymdeithasol integredig, modern hwn. “Bydd nifer o gyfleusterau yng Nghylch Caron.

Mae’r Bwrdd Iechyd wedi cadarnhau y bydd chwe gwely yn cael eu darparu i gymryd lle’r Ysbyty presennol. Bydd hefyd yno feddygfa, ac amrywiaeth o lety preswyl a gofal, yn cael eu darparu gan yr awdurdod lleol a’r drydedd sector. “Ni ddylai’r Gwasanaeth Iechyd anghofio’n hardaloedd gwledig. Y ffordd ymlaen, yn fy marn i, yw i integreiddio gofal iechyd a chymdeithasol yn llawn. Mae’r buddsoddiad yma yn hwb i ardal Tregaron, a gobeithio bydd yn fodel y bydd ardaloedd eraill am ei efelychu.”

Continue Reading
Click to comment

Leave a Reply

Your email address will not be published. Required fields are marked *

Community

New Children’s Book based on local fisherman

Published

on

CHILDREN’S AUTHOR Natalie L Davies has written a story based on local man, Mickey Beechey, of Llangrannog.

The book is available on Amazon.

Natalie said: “I’ve written a series of children’s books with the central character, the lovely ‘Mickey the Fisherman’. The first book is called ‘Pollution’, and is a bright colourful and fun book with a valuable message.”

The book is available to buy on Amazon in both paperback and kindle, and can be found at: mybook.to/mickeythefisherman.

Continue Reading

Community

Council supports the Learning Disabilities ‘My Charter’

Published

on

CABINET members and senior officers in Ceredigion have signed ‘My Charter’. In doing so, Ceredigion County Council have become the first council to sign up to the charter. My Charter was written by people who have learning disabilities in West Wales.

The charter says that people who have learning disabilities want to have more chances in life, more choice and to be listened to. It also says that people who have learning disabilities want to be treated as adults, to be given dignity and respect and that their information is kept private.

Councillor Alun Williams is the Cabinet member responsible for Adult Services. He said: “People with learning disabilities have the same aspirations, hopes and feelings as everyone else. They deserve the same services and to be treated equally in a way that’s appropriate to their needs. I’m delighted that Ceredigion has become the first council to sign the charter, and I’m looking forward to seeing how this can positively influence the way our population of people with learning disabilities are treated in the future.”

The charter was developed by people who have learning disabilities from across Ceredigion, Pembrokeshire and Carmarthenshire.

Continue Reading

Community

Ceredigion Leisure Centres Summer holiday programme

Published

on

A BUSY TIMETABLE of inclusive summer holiday activities for children has been organised across all Ceredigion County Council-run leisure centres in the county.

From football to bouncy castle sessions, from cycling skills to archery, there’s a wide variety of activities to choose from over the course of the summer.

There will also be day camps and multi-skills activity days available at some of the leisure centres, for children to attend for the whole day. There’s even a day trip to the beach with Teifi Leisure Centre!

A range of learning to swim programmes are available at Lampeter Swimming Pool and Plascrug Leisure Centre across the summer holidays. A week of swimming lessons will be delivered solely through the medium of Welsh in Plascrug Leisure Centre starting on 5 August.

Councillor Catrin Miles is the council’s Cabinet member with responsibility for Leisure Services. She said: “Ceredigion Actif is once again providing a busy timetable of fun activities during the summer. It’s a healthy and worthwhile way for children to spend their time during the summer.”

Booking for sessions is essential and staff at leisure centres reserve the right to cancel any session if attendance is too low.

For further information on the summer holiday activities planned, visit the Ceredigion Actif website.

Continue Reading

Popular This Week