Connect with us
Advertisement
Advertisement

Cymraeg

Eisteddfod Gadeiriol Penrhyn-coch

Published

on

Emyr Jones: Enillydd y Gadair

Emyr Jones: Enillydd y Gadair

CAFWYD CYSTADLU brwd a safonol mewn awyrgylch hwyliog a chartrefol nos Wener 22 a Sadwrn 23 Ebrill.

Cafwyd y gefnogaeth arferol o Ysgol Penrhyn-coch ar y nos Wener a bu nifer o blant sydd yn byw yn y pentref ac yn mynychu ysgolion eraill yn cystadlu.

Gwelwyd cystadleuwyr o ardal helaeth ar y pnawn Sadwrn yn yr adran cynradd. Er mai prin oedd y cystadleuwyr ar ddechrau y noson fe wellodd pethau wrth i dri chôr gyrraedd gan sicrhau cynulleidfa niferus.

Y beirniaid eleni oedd: Nos Wener (Lleol): Cerdd – Geraint Thomas, Rhydyfelin, Aberystwyth. Llefaru: Meleri Morgan, Bwlch-llan.

Dydd Sadwrn (Agored): Cerdd: Odette Jones, Mynwent y Crynwyr; Llefaru a Llên: Esyllt Tudur Adair, Llanrwst. Cyfeiliwyd gan Eirwen Hughes nos Wener a Gareth Thomas, Rhydaman dydd Sadwrn.

Yr Arweinyddion oedd Bethan Evans, Gregory Vearey-Roberts, Manon Reynolds a Cemlyn Davies.

Y llywyddion oedd Carys Jenkins – nos Wener; Bethan Evans, Llandysul, pnawn Sadwrn a Dr Zoe Morris-Williams, Caerdydd (nos Sadwrn).

Swyddogion y pwyllgor yw: Cadeirydd: Marianne Jones-Powell; Ysgrifennydd: Ceris Gruffudd; Is-ysgrifennydd: Llio Adams; Trysoryddion: Robert Dobson a Bethan Davies.

Canlyniadau

Nos Wener (lleol)

Unawd Meithrin Meia ; Llefaru Meithrin Meia Unawd Dosbarth Derbyn Aaron Bishop Llefaru Dosbarth Derbyn. Aaron Bishop Unawd Blwyddyn 1-2 Ianto Bowen Jones Llafaru Blwyddyn 1-2 Gwen Gibson Unawd Blwyddyn 3-4 Iwan Finnigan Llefaru Blwyddyn 3-4 Genny Tagoe Unawd Blwyddyn 5-6 Connor Robinson Llefaru Blwyddyn 5-6 Nana Tagoe Unawd offeryn cerdd ( cynradd) Betsan Downes a Carys James Unawd Ysgol Uwchradd DIM CYSTADLU Unawd offeryn cerdd – Ysgol Uwchradd Gronw Downes Llefaru Ysgol Uwchradd DIM CYSTADLU Parti Canu Adran Iau Parti Llefaru Bl 1 a2

Dydd Sadwrn

Unawd Dosbarth Derbyn ac iau Mari Finnigan, Penrhyn-coch Llefaru Dosbarth Derbyn ac iau : Ella Gwen Keevan, Tregaron Unawd Blwyddyn 1-2: Ela Mablen, Cwrtnewydd Llefaru Blwyddyn 1-2 Ifan Williams, Tregaron Unawd Blwyddyn 3-4 Ioan Mabbutt, Aberystwyth Llefaru Blwyddyn 3-4 Erin Llwyd, Glanrafon, Y Bala Unawd Blwyddyn 5-6 Zara Evans, Tregaron.

Llefaru Blwyddyn 5-6 Glesni Haf Morris, Llanddeiniol Unawd Ysgol Uwchradd Beca Williams, Rhydyfelin Unawd offeryn cerdd dan 18 oed Gronw Downes, Penrhyncoch Llefaru Ysgol Uwchradd Lois Gwynedd, Glanrafon, Y BalaUnawd alaw werin dan 18 oed Beca Williams, Rhydyfelin Unawd cerdd dant dan 18 oed Beca Williams, Rhydyfelin.

Unawd 18-30 oed Heledd Besent, Pennal Llefaru 18-30 oed Sioned Thomas, Maenclochog.

Unawd sioe gerdd dan 30 oed Beca Williams, Rhydyfelin Canu emyn i rai dros 60 oed Tegwyn Jones, Machynlleth Alaw werin Heledd Besent, Pennal Sgen Ti Dalent Bois y Fro Unawd Gymraeg Efan Williams, Lledrod Llefaru darn o’r ysgrythur Maria Evans, Caerfyrddin Her adroddiad Heledd Besent, Pennal Ensemble Adran Aberystwyth Her unawd Efan Williams, Lledrod Parti llefaru Dim cystadlu Côr Ger-y-lli

Llenyddiaeth

Cadair: Emyr Jones, Yr Eglwys Newydd, Caerdydd

Telyneg: Y Parchg Judith Morris, Penrhyn-coch

Englyn ysgafn: John Meurig Edwards, Aberhonddu

Brawddeg: Megan Richards, Aberaeron

Soned: 1 Megan Richards, Aberaeron 2 John Meurig Edwards, Aberhonddu

Erthygl: 1 Megan Richards, Aberaeron 2 Dilwyn Pritchard, Rachub, Bethesda

Adolygiad: Jackie Willmington, Bow Street

Limrig: Megan Richards, Aberaeron

Tlws yr Ifanc: Gwen Down, Aberystwyth

Continue Reading
Click to comment

Leave a Reply

Your email address will not be published.

Cymraeg

Cadarnhau lleoliad ysgol ardal newydd yn Nyffryn Aeron

Published

on

Mae Ysgol Ciliau Parc yn un o'r ysgolion y bwriedir iddi gau

YN 2019, ymatebodd Cabinet Cyngor Sir Ceredigion i’r ymgynghoriad cyhoeddus helaeth ar leoliad ysgol ardal newydd yn Nyffryn Aeron.

Ers hynny, mae’r Cyngor wedi bod wrthi’n caffael tir ar gyfer yr ysgol ardal newydd, a gall gadarnhau bod tir wedi’i brynu at y diben hwn yn y lleoliad isod.

Ysgol Ardan Dyffryn Aeron lleoliad

Roedd barn gref bod rhanddeiliaid yn dymuno gweld yr ysgol yn cael ei lleoli ar safle newydd, ac nid ar gampws Theatr Felinfach yn unol ag un o’r opsiynau arfaethedig gwreiddiol.

Bydd ysgolion cynradd Ciliau Parc, Felinfach a Dihewyd i gyd yn cau er mwyn ffurfio ysgol newydd yn Nyffryn Aeron.

Y Cynghorydd Catrin Miles yw’r aelod Cabinet sy’n gyfrifol am Ysgolion, Dysgu Gydol Oes a Sgiliau, Cymorth ac Ymyrraeth. Dywedodd: “Rwy’n falch iawn o weld bod y Cyngor wedi llwyddo i brynu’r lleoliad hwn ar gyfer yr ysgol ardal newydd. Bydd yr ysgol newydd yn darparu offer a chyfleusterau modern ar gyfer disgyblion oedran cynradd a bydd yn sicr yn ychwanegiad cyfoethog i Ddyffryn Aeron.”

Gall y Cyngor nawr fwrw ymlaen â’r camau nesaf, sy’n cynnwys sefydlu Corff Llywodraethu Cysgodol ar gyfer yr ysgol newydd.

Bydd rhagor o wybodaeth yn cael ei chyhoeddi maes o law.

Continue Reading

Cymraeg

Hwyl ar y beics i blant bach

Published

on

Mae tîm Actif wedi ymweld â'r feithrinfa i gynnig cefnogaeth

Mae plant bach meithrinfa yn Llanarthne yn dangos nad ydych chi byth yn rhy ifanc i reidio beic!

Mae plant cyn-ysgol Cwtsh y Clos wedi cael eu hysbrydoli gan Daith Prydain 2021 pan fu rhai o feicwyr gorau’r byd yn rasio drwy’r pentref.

Mae tîm Chwaraeon a Hamdden Actif y cyngor yn gweithio’n agos gyda lleoliadau cymunedol fel Cylchoedd Meithrin a chanolfannau teulu i ddarparu hyfforddiant a chymorth parhaus i staff i sicrhau bod plant yn cymryd rhan mewn gweithgarwch corfforol o oedran cynnar.

Mae beiciau ‘Toddlebikes’ ar gael mewn Cylchoedd Meithrin i blant eu defnyddio yn ystod ‘chwarae rhydd’ a hefyd sesiwn hwyliog strwythuredig lle byddant yn dysgu’r camau cyntaf tuag at reidio beic yn annibynnol.

Dywedodd y Cynghorydd Peter Hughes Griffiths, yr Aelod Cabinet dros Ddiwylliant, Chwaraeon a Thwristiaeth: 

“Mae Toddlebikes yn ffordd wych o annog plant i ddechrau dysgu reidio beic. Ar ôl i blant allu cerdded yn annibynnol, gallant ddechrau chwarae gyda Toddlebikes.

“Mae’n wych gweld plant Cwtsh y Clos yn egnïol ac yn mwynhau eu hunain, pwy a ŵyr efallai bod Geraint Thomas y dyfodol yn eu plith!”

Mae tîm Actif wedi ymweld â’r feithrinfa i gynnig cefnogaeth ac i gyflwyno sesiynau Amser Stori Actif i’r plant gyda’r nod o ddod â straeon yn fyw drwy hwyl a gemau.

Ceir rhagor o wybodaeth am sut y mae’r cyngor yn helpu plant a phobl ifanc i fod yn fwy egnïol a chymryd rhan ar y wefan actif.cymru 

Continue Reading

Cymraeg

Meddygon teulu dal yma ar gyfer apwyntiadau wyneb yn wyneb

Published

on

Mae meddygon yn Sir Gaerfyrddin, Ceredigion a Sir Benfro yn atgoffa’u cleifion eu bod yn parhau i gynnig apwyntiadau wyneb yn wyneb i’r rhai sydd angen eu gweld.

Trwy gydol y pandemig, mae meddygfeydd wedi sicrhau bod gwasanaethau hanfodol yn parhau i redeg, gan ddefnyddio ffyrdd arloesol o gyfathrebu â’r cymunedau y maent yn eu gwasanaethu.

Erbyn hyn mae llawer o feddygfeydd yn parhau i ddefnyddio ymgynghoriadau ffôn a galwadau fideo lle y bo’n briodol; mae hyn yn rhoi rhyddid i lawer o gleifion siarad â gweithwyr gofal iechyd proffesiynol (nid o reidrwydd y meddyg teulu) yng nghysur a chyfleustra eu cartrefi eu hunain

Mae gan y rhan fwyaf o feddygfeydd systemau ar-lein megis E-Consult neu Ask My GP, lle gall cleifion ofyn cwestiwn llai brys am eu hiechyd. Gweler gwefan eich meddygfa am fwy o wybodaeth.

Mae Fy Iechyd Ar-lein yn parhau i fod yn opsiwn ar-lein 24/7 ar gyfer archebu presgripsiwn meddyginiaeth rheolaidd – mae wedi’i gynllunio i fod yn gyfleus i gleifion ac yn arbennig o ddefnyddiol i’r rhai sy’n hunan-ynysu neu’n gwarchod. Gall cleifion gofrestru ar gyfer hyn drwy eu meddygfa leol.

Mae system brysbennu dros y ffôn neu ar-lein ar waith yn y rhan fwyaf o  feddygfeydd i sicrhau bod cleifion yn siarad ag aelod clinigol o staff am eu hiechyd.

Os oes angen gweld claf wyneb yn wyneb, bydd y feddygfa’n gwneud apwyntiad â’r gweithiwr gofal iechyd proffesiynol mwyaf priodol i’w anghenion.

Dywedodd Dr Siôn James o Feddygfa Tregaron: “Hoffem atgoffa cleifion bod meddygfeydd teulu yn parhau i fod ar gael i chi. Pan fyddwch yn cysylltu â’ch meddygfa, byddwch yn siarad â’r person mwyaf addas ar gyfer eich cyflwr ac os bydd angen i’ch gweld wyneb yn wyneb, yna rhoddir apwyntiad i chi yn y feddygfa.

Gellir trin llawer o gyflyrau dros y ffôn gyda chyngor ac os oes angen, gellir rhoi presgripsiwn i fferyllfa o’ch dewis. Peidiwch ag osgoi ymofyn triniaeth.

Ar gyfer mân anhwylderau, cofiwch y gallai eich fferyllfa gymunedol helpu.”

Ychwanegodd Fferyllydd Cymunedol, Richard Evans: “Yn draddodiadol mae fferyllwyr Cymunedol wedi cynghori cleifion ar ystod eang o anhwylderau. Rydym bob amser yn argymell triniaethau addas i’r cleifion, neu os oes angen, eu cyfeirio at weithiwr gofal iechyd proffesiynol.

Yn ystod y pandemig hwn, gweinyddu presgripsiynau yw’r prif ffocws o hyd, ond mae gwasanaethau eraill ar gael, megis y Gwasanaeth Anhwylderau Cyffredin, Brysbennu a Thrin, cyflenwi meddyginiaethau mewn argyfwng a dulliau atal cenhedlu brys.

Gellir cael mynediad at y gwasanaethau hyn drwy ymgynghoriad dros y ffôn, gyda’r claf neu ofalwr/aelod o’r teulu yn casglu unrhyw feddyginiaeth angenrheidiol.

Cofiwch archebu unrhyw bresgripsiwn meddyginiaeth rheolaidd mewn pryd cyn i chi ei orffen.”

Yn ychwanegol at y wybodaeth arbenigol broffesiynol a gynigir mewn fferyllfeydd, bydd cleifion cymwys yn gallu derbyn eu brechlyn ffliw rhad ac am ddim yn y mwyafrif o’n fferyllfeydd cymunedol y gaeaf hwn. Am restr lawn o fferyllfeydd sy’n cymryd rhan, cliciwch yma https://biphdd.gig.cymru/gofal-iechyd/gwasanaethau-a-thimau/fferyllfa/brechiadau-y-ffliw-tymhorol/

I gael gwybod pa wasanaethau y mae eich fferyllfa gymunedol yn eu cynnig, ewch i: https://biphdd.gig.cymru/gofal-iechyd/gwasanaethau-a-thimau/fferyllfa/

Mae rheolau cadw pellter cymdeithasol yn parhau ar draws safleoedd gofal sylfaenol er diogelwch cleifion a staff. Bydd gweithwyr gofal iechyd proffesiynol sy’n gweld cleifion wyneb yn wyneb i asesu neu ddarparu triniaeth yn defnyddio’r cyfarpar diogelu personol priodol ac mae sgriniau ar waith mewn rhai cownteri a derbynfeydd

Cofiwch wisgo gorchudd wyneb pan ydych yn ymweld ag unrhyw leoliad gofal iechyd.

Continue Reading

Popular This Week